Lajme, Thirrje publike|

Të nderuar aplikantë,

Ju njoftojmë se ka përfunduar procedura për vlerësimin e kërkesave për financimin e zhvillimit të dokumentacioneve teknike për projektet infrastrukturore të organizuara në kuadër të Projektit “Forcimi i kapaciteteve komunale për realizimin e projektit – Faza 2”.

Vlerësimi u realizua nga komisioni i përbërë nga anëtarë të Byrosë për Zhvillim Rajonal dhe UNDP-së, me mbështetjen profesionale të ekspertëve të jashtëm teknik.

Në afatin e paraparë (19.04.2023 deri më 18.05.2023), kërkesa kanë dorëzuar gjithsej 63 komuna, 5 qendra për zhvillim rajonal + qyteti i Shkupit, ose gjithsej 70 aplikacione. Nga aplikimet e paraqitura, 68 kërkesa plotësonin kriteret administrative (eliminuese), të cilat u vlerësuan më tej sipas udhëzimeve për aplikantët (Aneksi 2: Kriteret për vlerësimin e kërkesave për grante, nga Thirrja e Projektit dhe faqja 6 e Thirrjes për Projekte). Dy nga kërkesat e pranuara nuk plotësonin kriteret bazë administrative (eliminuese) të publikuara në udhëzimet për aplikantët.

Për të kualifikuar një projekt të propozuar për marrjen e burimeve financiare, ishte e nevojshme të shënoheshin të paktën 60 pikë. Nga të gjitha 68 aplikimet e vlerësuara, 67 morën 60 ose më shumë pikë dhe u kualifikuan për të marrë mjete financiare në këtë Thirrje. Një aplikim nuk ka arritur numrin minimal të pikëve.

Nga 67 kërkesat e kualifikuara, si dhe duke filluar nga mjetet  financiare të disponueshme, (në fushën e granteve të vogla – deri në 30 000 USD dhe granteve të mëdha deri në 70 000 USD), 13 aplikant më mire të ranguar, ose me më shumë pikë të fituara janë përzgjedhur si prioritarë për financim.

54 projektet e mbetura janë në listën rezervë. Projektet nga lista rezervë do të financohen sipas renditjes dhe burimeve financiare në dispozicion (deri në shterimin e buxhetit total në dispozicion). Mjetet e disponueshme për projektet nga lista rezervë do të bëhen të ditura pas përfundimit të procedurave tenderuese për përzgjedhjen e projektuesve për 13 aplikacionet e  para (nga komunat dhe qendrat për zhvillim rajonal).

Klikoni këtu për të parë tabelën e rezultateve të vlerësimit.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Close Search Window