Работна средба со почесни претставници од амбасадата на Романија

Денеска во бирото за регионален развој се одржа работна средба со почесни претставници од Амбасадата на Романија, г-дин Кристијан-Дан Кутас задолжен за економски прашања, г-дин Тибериу Андриоаиеи заменик-претседател на Генералниот сојуз на индустријалци на Романија и г. Габриел Никола, заменик-шеф на мисијата во романската амбасада. Разговорот се фокусираше на можностите за соработка меѓу компаниите во нашите земји како и нивните ставови и предлози за соработка на полето на иновациите, технологијата и развојот.

“Верувам дека нашата средба е само почеток на успешни и важни партнерства.
Како директор на Бирото за регионален развој, се чувствувам инспириран од можностите што се отвораат пред нас. Соработката меѓу компаниите од нашата земја и романските компании не само што ќе го поддржи економскиот раст, туку и ќе помогне да се поттикнат иновациите и креативноста.
Се надевам дека ќе успееме да спроведеме многу од идеите што беа презентирани денеска. Благодарност до романската амбасада за пријателската и продуктивна средба. Со нетрпение очекуваме да ги видиме резултатите од оваа позитивна иницијатива” изјави директорот на Бирото за регионален развој Г-дин. Рамиз Реџепи