ЈАВЕН ПОВИК 2023/2024

                ЗА ПРИБИРАЊЕ НА ПРЕДЛОГ ПРОЕКТИ ЗА РАЗВОЈ НА УРБАНИТЕ ПОДРАЧЈА И ОДРЖЛИВ И УРБАН РАЗВОЈ, РАЗВОЈ НА ПОДРАЧЈАТА СО СПЕЦИФИЧНИ  РАЗВОЈНИ ПОТРЕБИ И ЗА РАЗВОЈ НА СЕЛАТА

                     1.ПРЕДМЕТ НА ЈАВНИОТ ПОВИК

            Предмет на јавниот повик е доделување на средства за финансирање на проекти за развој на урбаните подрачја и одржлив и урбан развој, развој на подрачјата со специфични  развојни потреби и за развој на селата, од Програмата за рамномерен регионален развој за 2023 со индикативно планирани средства за 2024 година (“Службен весник на Република Северна Македонија” број 31/2023).

            I. ПРИБИРАЊЕ НА ПРЕДЛОГ ПРОЕКТИ ЗА РАЗВОЈ НА УРБАНИТЕ ПОДРАЧЈА И ОДРЖЛИВ И УРБАН РАЗВОЈ

                1. ИЗНОС НА СРЕДСТВАТА

            Вкупниот износ на средства за финансирање на проекти за развој на урбаните подрачја и одржлив и урбан развој согласно член 2 точка 1.4 од табелата на Програмата зa рамномерен регионален развој за 2023 со индикативно планирани средства за 2024 година, (“Службен весник на Република Северна Македонија” бр. 31/2023) е 119.925.000 денари.

                2.НАЧИН НА РАСПРЕДЕЛБА НА СРЕДСТВАТА

            Во согласност со член 39 став (2) од Законот за рамномерен регионален развој вкупните средства за развој на урбаните подрачја и одржлив и урбан развој се распределуваат по региони согласно класификацијата на планските региони според степенот на развиеност.

            Од Програмата зa рамномерен регионален развој за 2023 со индикативно планирани средства за 2024 година, средствата за развој на урбаните подрачја и одржлив и урбан развој се распределуваат на следниот начин:

            3.НАЧИН НА ПОДНЕСУВАЊЕ НА ПРЕДЛОГ ПРОЕКТИ

            Право да поднесуваат предлог проекти за развој на урбаните подрачја и одржлив и урбан развој согласно член 39 став (1) имаат општините со седиште во град, општините во градот Скопје и градот Скопје.

Општините аплицираат со предлог проекти за доделување на средства за развој на урбаните подрачја и одржлив и урбан развој со пополнување на формуларот за аплицирање кој е објавен на веб страницата на  Бирото за регионален развој   www.brr.gov.mk.

            4.РОК ЗА ПОДНЕСУВАЊЕ НА ПРЕДЛОГ ПРОЕКТИ

            Општините своите формулари за аплицирање за финасирање предлог проекти за развој на урбаните подрачја и одржлив и урбан развој треба да ги достават до Бирото за регионален развој, Улица Св. Кирил и Методиј бр. 20, Скопје, во два оригинали и електронска форма на CD (скениран оригинал формулар и word), во рок од 15 (петнаесет) дена од денот на објавувањето на овој јавен повик во Службен весник на Република Северна Македонија  и јавните гласила.

            II. ПРИБИРАЊЕ НА ПРЕДЛОГ ПРОЕКТИ ЗА РАЗВОЈ НА ПОДРАЧЈАТА СО СПЕЦИФИЧНИ РАЗВОЈНИ ПОТРЕБИ

            1.ИЗНОС НА СРЕДСТВАТА

            Вкупниот износ на средства за финансирање на проекти за развој на подрачјата со специфични развојни потреби согласно член 2 точка 1.2 од табелата на Програмата зa рамномерен регионален развој за 2023 со индикативно планирани средства за 2024 година, (“Службен весник на Република Северна Македонија” бр. 31/2023) е 119.925.000 денари.

                2.НАЧИН НА ПОДНЕСУВАЊЕ НА ПРЕДЛОГ ПРОЕКТИ

            Право да поднесуваат предлог проекти за развој на подрачјата со специфични развојни потреби согласно член 40 имаат општините и општините во градот Скопје во кои се определени подрачја со специфични развојни потреби, утврдени со Одлука за определување на подрачјата со специфични развојни потреби (“Службен весник на Република Северна Македонија” број 263/19), како и Центрите за развој на планските региони, јавните претпријатија и јавните установи основани од државата, од општините во градот Скопје и од градот Скопје, високообразовните и научни институции и здруженијата.

            Општините и општините во градот Скопје, Центрите за развој на планските региони, јавните претпријатија и јавните установи основани од државата, од општините во градот Скопје и од градот Скопје, високообразовните и научни институции и здруженијата аплицираат со предлог проекти за доделување на средства за развој на подрачјата со специфични развојни потреби со пополнување на формуларот за аплицирање кој е објавен на веб страницата на  Бирото за регионален развој   www.brr.gov.mk.

3.РОК ЗА ПОДНЕСУВАЊЕ НА ПРЕДЛОГ ПРОЕКТИ

            Општините и општините во градот Скопје, Центрите за развој на планските региони, јавните претпријатија и јавните установи основани од државата, од општините во градот Скопје и од градот Скопје, високообразовните и научни институции и здруженијата своите формулари за аплицирање за финансирање предлог проекти за развој на подрачјата со специфични развојни потреби треба да ги достават до Бирото за регионален развој, Улица Св. Кирил и Методиј бр. 20, Скопје, во два оригинали и електронска форма на CD (скениран оригинал формулар и word), во рок од 15 (петнаесет) дена од денот на објавувањето на овој јавен повик во Службен весник на Република Северна Македонија  и јавните гласила.

            III. ПРИБИРАЊЕ НА ПРЕДЛОГ ПРОЕКТИ ЗА РАЗВОЈ НА СЕЛАТА

                1.ИЗНОС НА СРЕДСТВАТА

            Вкупниот износ на средства за финансирање на проекти за развој на селата согласно член 2 точка 1.3 од табелата на Програмата зa рамномерен регионален развој за 2023 со индикативно планирани средства за 2024 година, (“Службен весник на Република Северна Македонија” бр. 31/2023) е 119.925.000 денари.

                2.НАЧИН НА РАСПРЕДЕЛБА НА СРЕДСТВАТА

            Во согласност со член 41 став (2) од Законот за рамномерен регионален развој вкупните средства за развој на селата се распределуваат по плански региони, согласно класификацијата на планските региони според степенот на развиеност.

            Од Програмата зa рамномерен регионален развој за 2023 со индикативно планирани средства за 2024 година, средствата за развој на села се распределуваат на следниот начин:

3.НАЧИН НА ПОДНЕСУВАЊЕ НА ПРЕДЛОГ ПРОЕКТИ

            Право да поднесуваат предлог проекти за развој на селата имаат општините и општините во градот Скопје кои имаат село во нивниот состав, во согласност со член 10  и член 12 од Законот за територијална организација на Република Македонија  (“Службен весник на Република Македонија” бр.55/04).

            Општините аплицираат со предлог проекти за доделување на средства за развој на селата со пополнување на формуларот за аплицирање за таа намена кој е објавен на веб страницата на  Бирото за регионален развој  www.brr.gov.mk.

            Општините со седиште во град кои поднесуваат предлог проекти за развој на селата кои влегуваат во нивниот состав согласно член 48 став (5) се должни да обезбедат кофинансирање во висина од 50% од вредноста на предлог проектот.

                4.РОК ЗА ПОДНЕСУВАЊЕ НА ПРЕДЛОГ ПРОЕКТИ

            Општините своите формулари за аплицирање за финансирање предлог проекти за развој на селата, треба да ги достават до Бирото за регионален развој. Улица Св. Кирил и Методиј  бр. 20, Скопје, во два оригинали и електронска форма на CD (скениран оригинал формулар и word), во рок од 15 (петнаесет) дена од денот на објавување на овој јавен повик во Службен весник на Република Северна Македонија и  јавните гласила.

Формуларите за аплицирање на следниот линк : https://brr.gov.mk/%d0%b0%d0%bf%d0%bb%d0%b8%d1%86%d0%b8%d1%80%d0%b0%d1%9a%d0%b5/