Активности|

Дeнес, директорот на Бирото за регионален развој г-дин Рамиз Реџепи, ги потпиша договорите за реализација на проекти за развој на планските региони со средства обезбедени од Програмата за рамномерен регионален развој за 2022 година со индикативно планирани средства за 2023 година.

Во присуство на Заменик Претседателот на Владата задолжен за економски прашања, координација на економските ресори и инвестиции г-дин Битиќи и Министерот за локална самоуправа г-дин Ристо Пенов , Директорот потпиша Договори за реализација на 29 проекти кои ќе се реализираат во- 8 те плански региони во вкупен износ од 422.408.695,00 денари. Односно, во Скопскиот плански регион ќе се реализираат 5 проекти во вкупен износ од 30.413.426, во Југоисточниот 2 проекти во вкупен износ од 46.393.538, во Источниот 5 проекти во вкупен износ од 47.732.183, во Пелагонискиот 5 проекти во вкупен износ од 50.233.084, во Полошкиот 3 проекти во вкупен износ од 55.757.948, во Југозападниот 3 проекти во вкупен износ од 56.180.356, во Вардарскиот 4 проекти во вкупен износ од 62.034.547 и во Североисточниот плански регион ќе се реализираат 2 проекти во вкупен износ од 73.076.704 денари.

Рамномерниот регионален развој како концепт подразбира континуирана финансиска поддршка од страна на државата и висок степен на координација на поддршката помеѓу министерствата, донаторите и засегнатите страни на регионално и на локално ниво.

Политиката за рамномерен регионален развој е високо позиционирана меѓу приоритетите на Владата на Република Северна Македонија, целта на оваа политика е подобрување на благосостојбата на регионите, намалување на регионалните нерамномерности и подобрување на квалитетот на живеење на граѓаните преку остварување на рамномерен и одржлив развој на целата територија на државата.

Напишете коментар

Вашата адреса за е-пошта нема да биде објавена. Задолжителните полиња се означени со *

Close Search Window