Архива за категоријата: Новости

Одлука за избор на кандидат по интерен оглас бр.03/2018

Одлука за избор за следното работно место:

  1. УПР 01 01 В03 000 Соработник за прибирање податоци за проекти за развој на селата, Одделение за оперативни плански документи, Сектор за спроведување на политиката за регионален развој – 1 извршител

Одлука за избор     

ИНТЕРЕН ОГЛАС БРОЈ 03/2018

Врз основа на член 48 став 4 од Закон за административни службеници („Службен весник на Република Македонија” бр. 27/14, 199/14, 48/15, 154/15, 5/16, 142/16 и 11/18) Правилникот за формата и содржината на интерниот оглас, начинот на поднесување на пријавата за унапредување, начинот на спроведување на административната селекција и интервјуто, како и начинот на нивно бодирање и максималниот број на бодови од постапката на селекција, во зависност од категоријата на работно место за кое е објавен интерниот оглас („Службен весник на Република Македонија“ бр.11/2015, 35/2018), како и Правилникот за систематизација на работните места во Бирото за регионален развој со бр. 04-152/4 од 23.04.2018 година, и Правилникот за изменување и дополнување на Бирото за регионален развој Правилникот за систематизација на работните места во Бирото за регионален развој со бр. 04-152/7 од 24.09.2018 година објавува:

ИНТЕРЕН ОГЛАС БРОЈ 03/2018

за унапредување на 1 административен службеник

во Бирото за регионален развој

  1. УПР 01 01 В03 000 Соработник за прибирање податоци за проекти за развој на селата, Одделение за оперативни плански документи, Сектор за спроведување на политиката за регионален развој – 1 извршител

 Општи услови:

–           да е државјанин на Република Македонија,

–           активно да го користи македонскиот јазик,

–           да е полнолетен,

–           да има општа здравствена способност за работното место и

–           со правосилна судска пресуда да не му е изречена казна забрана на вршење професија, дејност или должност.

 Посебни услови:

–   Стручни квалификации: ниво на квалификациите VI Б според Македонската рамка на квалификации и стекнати најмалку 180 кредити според ЕКТС или завршен VII/1 степен Правни науки или Јавна управа и администрација

–    Работно искуство: најмалку една години работно искуство во струката

Општи работни компетенции на средно ниво

 –    решавање на проблеми и одлучување за работи од својот делокруг

–           учење и развој;

–           комуникација;

–           остварување резултати;

–           работење со други/тимска работа;

–          стратешка свест;

–           ориентираност кон странките/засегнати страни;

–           финансиско управување.

Посебни работни компетенции:

–    активно познавање на еден од трите најчесто користени јазици на Европската Унија  (англиски, француски, германски),

–    активно познавање на компјутерски програми за канцелариско работење

Распоред на работното време:

  • Работни денови: од понеделник до петок    
  • Работни часови неделно: 40 часа
  • Работно време: 7:30/8:30 часот до 15:30/16:30 часот
  • Опис на работното време: со почеток на работното време помеѓу 7:30/8:30 часот и завршеток на истото помеѓу 15:30/16:30 часот

 Плата: Паричниот нето износ изнесува 22.475,00 денари.

На интерниот оглас може да се јави административен службеник вработен во Бирото за регионален развој, кој ги исполнува општите и посебните услови за пополнување на работно место пропишани за соодветното ниво со Законот за административни службеници и Правилникот за систематизација на работните места во Бирото за регионален развој, при ова административниот службеник треба да ги исполнува и следните услови:

–    да е оценет со оцена „А“ или „Б“ при последното оценување,

–    да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас,

–    да поминал најмалку две години на тековното работно место и

–    да не му е изречена дисциплинска мерка во последната година пред објавувањето на интерниот оглас.

Заинтересираните административни службеници, поднесуваат пополнета пријава  и докази за податоците содржани во пријавата преку архивата на Бирото за регионален развој до административниот службеник кој е надлежен за управување со човечки ресурси и до службената адреса на на административниот службеник надлежен за управување со човечки ресурси covecki.resursi@outlook.com.

Кандидатите кон пријавата покрај доказите за исполнување на општите и посебните услови, можат да ги приложат и следните докази

–    потвдри за успешно реализирани обуки и/или

–    потврди за успешно реализирано менторство

Рокот за поднесување на пријавата со доказите трае 5 (пет) дена од денот на објавување на web страната на Бирото за регионален развој.

Во пријавата кандидатите се должни под материјална и кривична одговорност да потврдат дека податоците во пријавата се точни а доставените докази верни на оригиналот.

НАПОМЕНА: Ненавремената, нецелосната и неуредно пополнетата пријава нема да се разгледува. Кандидатот кој ќе внесе лажни податоци во пријавата или се утврди дека внел лажни податоци, ќе биде дисквалификуван од натамошна постапка по овој оглас.

Пријава за интерен оглас    

ОДЛУКИ ЗА ИНТЕРЕН ОГЛАС БР.01/2018

  1. УПР 01 01 Б04 000 Раководител на одделение за оперативни плански документи, Одделение за оперативни плански документи, Сектор за спроведување на политиката за регионален развој -1 извршител

Одлука 

2. УПР 01 01 В03 000 Соработник за прибирање податоци за проекти за развој на селата, Одделение за оперативни плански документи, Сектор за спроведување на политиката за регионален развој – 1 извршител

Одлука  

3. УПР 01 01 Г01 000 Самостоен референт за имплементирање на информациски систем, Одделение за информациски систем за регионален развој, Сектор за спроведување на политиката за регионален развој – 1 извршител 

Одлука 

4. УПР 01 01 В01 000 Советник за обработка на проекти, Одделение за прибирање на проекти, Сектор за имплементација на проекти и следење на користењето на средствата за регионален развој – 1 извршител 

Одлука

5. УПР 01 01 В02 000 Виш соработник за преглед и проверка на документација на проекти, Одделение за прибирање на проекти, Сектор за имплементација на проекти и следење на користењето на средствата за регионален развој – 1 извршител 

Одлука

6. УПР 01 01 В01 000 Советник за стручно оперативна поддршка при имплементација и оценување на реализацијата на проекти за регионален развој, Одделение за мониторинг, следење и евалуација на проекти, Сектор за имплементација на проекти и следење на користењето на средствата за регионален развој – 1 извршител 

Одлука 

7. УПР 01 01 В01 000 Советник за човечки ресурси, Одделение за стручно-административни работи, Сектор за општи и административни работи – 1 извршител

 Одлука  

8. УПР 01 01 В01 000 Советник за техничка документација, Одделение за јавни набавки, Сектор за општи и административни работи – 1 извршител

Одлука 

9. УПР 01 01 Б04 000 Раководител на одделение за финансиски прашања, Одделение за финансиски прашања – 1 извршител

Одлука 

Учество на директорот на Бирото на 6-тата  седница на Советот за развој на источниот плански регион кој се одржа во хотел Манастир- Берово

Учество на директорот на Бирото на 6-тата
седница на Советот за развој на источниот плански регион кој се одржа во хотел Манастир- Берово. На седницата на Советот присуствуваа и г-ѓа Лујза Винтон – постојан координатор на ОН и постојан претставник на УНДП, министерот за Локална самоуправа г-дин Сухејл Фазлиу, директорката на Центарот г-ѓа Драгица Здравева и градоначалниците на општините од источниот плански регион.
“Ви благодарам на поканата, чест и привилегија ми е да присуствувам на седницата на совет за развој на источниот плански регион и давам збор дека ќе се одзвам на секоја покана во иднина” истакна г-дин Реџепи. Им посака на градоначалниците успешна и квалитетна реализација на проектите кои ќе бидат финансирани во 2018 година од Бирото преку Ценатрот за развој на источниот плански регион и ја напомена важноста на навременото подмирување на обврските према Центарот од страна на Општините.

Директорот на Бирото за регионален развој г-дин Рамиз Реџепи даде свој придонес како говорник во панел дискусијата на регионалниот форум „Процесот на децентрализација во Македонија“

Денес директорот на Бирото за регионален развој г-дин Рамиз Реџепи даде свој придонес како говорник во панел дискусијата на регионалниот форум „Процесот на децентрализација во Македонија“ чиј домаќин беше Општина Велес.
На форумот воглавно акцентот беше ставен на состојбите и предизвиците на политиката за рамномерен регионален развој, успешноста на единиците на локалната самоуправа во испорака на законските надлежности и услуги кои ги вршат како и на (де)централизираниот развој на граѓанското општество во Македонија.

Директорот Реџепи даде свои видувања и размислувања околу покренатите прашања до каде е процесот на децентрализација, како до порамномерен развој на регионите и како до поефикасна, поинклузивна и потранспарентна локална самоуправа.
На Форумот учествуваа и заменик министерот за локална самоуправа г-дин Дејан Павлески, градоначалникот на Општината домаќин г-дин Аце Коцевски, директорката на Центарот за развој на источниот плански регион г-ѓата Драгица Здравева, градоначалници и претставници на граѓанските организации а воведни обраќања имаа г-дин Петруш Тоинес – меѓународен лидер на Цивика мобилитас и Н.Е. Сибил Сутер Тејада, Амбасадор на Швајцарија во Р. Македонија.
Форумот беше организиран од Форум – Центар за стратешки истражувања и документација – Скопје, Центар за економски анализи – Скопје и Институт за развој на заедниците – Тетово во соработка со програмата Цивика мобилитас.

 

Директорот на Бирото г.Рамиз Реџепи ја посетил општината Долнени заедно со заменик министерот за локална самоуправа, г-дин Дејан Павлески

Денес ја посетивме општината Долнени заедно со заменик министерот за локална самоуправа, г-дин Дејан Павлески. Tема на која се дискутираше беше регионалниот и рамноправен развој на општините во Република Македонија. Градоначалникот на општината, ЏЕМИЛ ЌАМИЛИ рече дека до сега постои лоша практика на распределба на централните фондови каде што тие средства се концентрирани во големите градови и барам оваа практика да се промени и да се реши во сите општини во РМ сo посебен акцент на руралните општини. Министерот и директорот на Бирото Рамиз Реџепи се согласија во иднината да влијат владата да одвои повеќе средства за еднаков рурален развој на општините.

 

Г-дин Реџепи се сретна со г-ѓа Звјездана Боровац, втор секретар, задолжен за економски прашања во Амбасадата на Република Хрватска во Република Македонија

Република Македонија и Република Хрватска се пријателски држави, и меѓудругото Хрватска е голем поддржувач на Македонија во остварувањето на евроатлантските цели.

Институционално запознавање и размена на искуства, позитивни но и посебен акцент на предизвиците кои следат, можностите за користење на европски извори на средства, како и можностите за заедничка соработка во иднина и други прашања поврзани со рамномерниот регионален развој беа главни точки на дискусија на денешната посета на директорот на Бирото за регионален развој во Амбасадата на Република Хрватска во Р. Македонија.

Г-дин Реџепи се сретна со г-ѓа Звјездана Боровац, втор секретар, задолжен за економски прашања во Амбасадата на Република Хрватска во Република Македонија.

Конструктивна средба помеѓу директорот Рамиз Реџепи и Амбасадорката на Швајцарија Н.Е Сибил Сутер Техада

Швајцарија е меѓу најголемите билатерални партнери за соработка на Република Македонија и една од најголемите земји поддржувачки на политиката за рамномерен регионален развој од 2012 година наваму. На конструктивната средба која се одржа денес во просториите на Швајцарската Амбасада во Скопје, директорот на Бирото за регионален развој г-дин Реџепи и Амбасадорката на Швајцарија, Н.Е Сибил Сутер Техада разменија мислења и разговараа околу состојбите на регионалната политика која е од највисок приоритет за Владата на Р. Македонија и која ќе продолжи да работи за нејзино унапредување. Чекорите кои ќе се превземаат во иднина се круцијални во таа насока а Бирото за регионален развој ќе продолжи со заложби и посветено работење за што Амбасадорката г-ѓа Техада даде отворена поддршка.